2 күн устата Үөдэйбит оскуолатын баазатыгар улуустааҕы «Я глава» деловой ооньууга 9 хамаанда, ол курдук 1 – Хомустаах, Партизан, Хамаҕатта, Нам, Хатын – Арыы, Салбан, 2 – Хомустаах, Үөдэй, Хатырык нэһилиэктэрэ 5 хайысхаҕа жеребевка тарданнар чопчу талан ылбыт хайысхаларыгар олоххо киирэр бырайыактары оҥорон ситиһиилээх үлэлээтилэр.Түмүккэ Үөдэйбит эдэр ыччатын хамаандата турбаза хайысхаҕа «Лэпсэ - Тур» проегынан кыайыылаах үрдүк аатын ылан 200 т.с. сертификат туттулар. Ыччат түмсүүлээҕин көрдөрөн, хамаандаҕа бары тэҥҥэ үлэлээннэр нэһилиэк инники сайдыытыгар сөптөөх бырайыагы көмүскээтилэр.

Хамаанда састаабыгар эдэр кэскиллээх оскуолабыт учууталлара кыттыыны ыллылар, ол курдук хамаанда командира - информатика учуутала Арсен Мохначевский, омук тылын учуутала Максим Захаров, педагог – психолог Вера Данилова, технология уонна черчения учуутала Иннокентий Татаринов, ыччат лидера Геннадий Игнатьев, «Сарыал» сынньалан киин специалиһа Марианна Татаринова, олохтоох дьаһалта специалистара Алена, Наталья Матвеевалар уонна Анастасия Обутова.

Сиһилии үлэ хаамыытынан бырайыактарын нэһилиэнньэҕэ сырдатыахтара. Онон нэһилиэкпит олохтоохторо ЫЧЧАТТАРБЫТ олоххо киллэрэр бырайыактарын өйүөҕүн, күүс – көмө буолуоҕун диэн ыҥырабыт.