XXI республиканский турнир по вольной борьбе среди юношей 2008, 2009 г.р. памяти МСМК СССР 3 призера

Үөдэйгэ сэтинньи 29 күнүгэр И.Н.Зырянов аатынан спортивнай комплекса республикатааҕы оҕолорго көҥүл тустуу күрэҕэ буолан ааста. Күрэх СССР норуоттар икки ардыларынааҕы кылаастаах спордун маастара, Болгарияҕа, Венгрияҕа, Германияҕа, Иранҥа ыытыллыбыт норуоттар икки ардыларынааҕы күрэхтэр кыайыылаахтара, үс төгүллээх СССР Сэбилэниилээх күүстэрин чемпиона, 1980 сыллаахха СССР чемпионатын үһүс призера, биир дойдулаахпыт Иннокентий Николаевич Зырянов бирииһигэр ыытыллар XXI күрэх төрөөбүт дойдутугар Үөдэйгэ тэрээһиннээхтик ыытылынна. З.П.Саввин аатынан Үөдэй орто оскуолата, “Үөдэй нэһилиэгин дьаһалтата, Намнааҕы оҕо спортивнай оскуола, олохтоох спортивнай комплекс, И.Н.Зырянов бииргэ төрөөбүт быраата Николай Николаевич Зырянов, бары чугас аймахтара иилээн-саҕалаан тэрийэн ыыттылар. Тэрийээччилэр этэллэринэн быйыл хаһааҥҥытааҕар даҕаны элбэх кыттааччы кэллэ дииллэр. Сылтан сыл тустууну сэҥээрээччилэр, сэргээччилэр, инники кэскиллэр үүнэн, тахсан иһэллэр диэн үөрэн санааларын үллэстэллэрэ истэргэ үчүгэйэ. Ол курдук, 225 кыттааччы Амма, Чурапчы (Хатылы, Мугудай, ДЮСШ), Кэбээйи, Хаҥалас (Нөмүгү), Горнай (Маҕарас), Мэҥэ-Хаҥалас, Нам (Үөдэй, Хомустаах, Бөтүҥ, Хатырык, Нам ДЮСШ, Хамаҕатта, Хатыҥ-Арыы) улуустара, Дьокуускай куораттан 25-с, 21-с, 33-с оскуолалар, ДЮСШ-3, ДЮСШ-5, Тулагыттан, Хатастан 2008-2009 сыллаах төрүөх көҥүл тустууга дьарыктанар оҕолор биирдиилээн турнирга тыҥааһыннаахтык күөн көрүстүлэр.

Түмүккэ 22 кг. (2009 с.т.) 10 кыттааччыттан Артемий Герасимов (Хатас) – I м., Алан Мухаммедов (Чурапчы) – II м., Аман Массаев (Дьоккускай 33 оскуола) III м., Ким Поисеев (Мэнэ-Ханалас) – III м. таҕыстылар.
24 кг. (2009 с.т.) 28 кыттааччыттан Аман Беляев (Чурапчы) – I м., Лева Охлопков (Нам, Хамаҕатта) – II м., Сандал Павлуцкий (Чурапчы) III м., Николай Платонов (Хатас) – III м. ыллылар.
26 кг. (2009 с.т.) 37 кыттааччыттан Алеша Суздалов (Нам 2 Хомустах) – I м., Айсен Новгородов (Нам Бөтүн) – II м., Кирилл Кузнецов (Дьокуускай 25-с оскуола) II м., Алеша Парников (Хатырык) – III м. тахсары ситистилэр.
28 кг. (2009 с.т.) 26 кыттааччыттан Гоша Неустроев (Чурапчы) - I м., Петя Романов (Дьокуускай 25 оскуола) - II м., Айхал Павлов (Чурапчы) - III м., Сергей Федоров (Нам ДЮСШ) - III м. ыллылар.
30 кг. дылы (2009 с.т.) 24 кыттааччыттан Ариан Винокуров (Дьокуускай ДЮСШ-3) - I м., Саян Федоров (Нам ДЮСШ) - II м., Артем Брызгалов (Хатас) – III м., Максим Андросов (Амма) – III м. таҕыстылар.
32 кг. дылы (2009 с.т.) 24 кыттааччыттан  Арылхан Кононов (Хаҥалас Нөмүгү) – I м., Мичил Соловьев (Хаҥалас Нөмүгү) – II м., Сережа Филиппов (Хаҥалас Нөмүгү) – III м., Денис Семенов (Горнай Маҕарас) – III м.
42 кг. дылы (2009 с.т.) 15 кыттааччыттан Витя Винокуров (Тулагы) – I м., Эйнар Максимов (Горнай Маҕарас) – II м., Уйгун Михайлов (Нам Хатырык) – III м., Марик Попов (Нам Үөдэй) – III м.
42 кг. үөһэ (2009 с.т.) 18 кыттааччыттан Айхаан Кривошапкин (Хаҥалас Нөмүгү) – I м., Рома Постников (Дьокуускай ДЮСШ-3) – II м., Александр Ноговицин (Хатас) – III м., Арчын Готовцев Дьокуускай ДЮСШ-3) – III м.
30 кг. дылы (2008 с.т.) 13 кыттааччыттан Леонид Иванов (Ханалас Нөмүгү) – I м., Эрхан Смирников (Чурапчы) – II м., Леня Ефимов (Нам 2 Хомустах) – III м., Уйгун Назаров (Чурапчы) III м.
35 кг. дылы (2008 с.т.) 22 кыттааччыттан Эрчим Жирков (Дьокуускай ДЮСШ-3) – I м., Артур Кононов (Ханалас Нөмүгү) – III м., Никита Элясов (Чурапчы) – III м., Айал Пудов (Чурапчы) – III м.
37 кг. дылы (2008 с.т.) 8 кыттааччыттан Арестарх Сидоров (Мэҥэ-Хаҥалас) – I м., Сайдам Парников (Нам Хатырык) – II м., Игорь Тыркаев (Хатас) III м., Павел Стручков (Нам Хатыҥ-Арыы) III м. ыллылар.

Маны таһынан абсолютнай хапсаҕай күрэҕэр 42 киилэттэн үөһэ Айхаан Кривошапкин (Хаҥалас Нөмүгү) тэҥнээҕин булбата. Кылаабынай судьуйа СССР спордун маастара, СӨ спорт уонна физическай култуура туйгуна, П.Юмшанов аатынан Намнааҕы ДЮСШ тренера Кирилл Спирдонович Павлов туох да мөккүөрэ суох, чиэһинэйдик түмүгү таһаарда.
Бу күн олус интэриэһинэйдик, тэрээһиннээхтик ааста. И.Н.Зырянов биир дойдулаахтара ыалдьыттары үөрэ-көтө, сылаастык көрүстүлэр. Күрэх аһыллыытыгар Үөдэй нэһилиэгин баһылыга Семен Владимирович Ядреев, Россия боксаҕа бастыҥ тренера Анатолий Иванович Барашков, И.Н.Зырянов бииргэ төрөөбүт эдьиийэ Татьяна Николаевна Зырянова, оскуолаҕа бииргэ үөрэммит доҕотторо үтүө тылларынан ахтан-санаан аастылар, махтал тылларын эттилэр. Кыттыбыт оҕолортон чаҕылхайдар сыаналаах анал бириистэринэн наҕараадаланнылар, манна күүс-көмө, өйөбүл буолбут спонсордарынан буолаллар: ат спордун бастын тренера Сергей Петрович, Владислав Ядреевтар, Үөдэй, Чурапчы интернат оскуолатыгар бииргэ үөрэммит доҕотторо, бастакы тренера, ДСЮШ-5 директора РФ үтүөлээх үлэһитэ Федот Архипович Соловьев, З.П.Саввин аатынан Үөдэй орто оскуолата, Үөдэй баһаарынай чаас начальнига Иннокентий Афанасьевич Зырянов, урбаанньыттар Константин Сысоевич Бочкарев, Андрей Иннокентьевич Эверстов, аймахтара Партизан баһылыга Алексей Николаевич Зырянов, бииргэ төрөөбүт быраата Николай Николаевич Зырянов, сиэн бырааттара Максим, Макар Зыряновтар, Игнат Павлович Попов, табаарыстара Николай Григорьевич Яковлев, Семен Семенович Спирдонов, Чурапчыттан төрүттээх Михаил Васильевич Лыткин, Владимир Владимирович Ядреев дьиэ кэргэнэ, Дмитрий Афанасьевич Зырянов, Ксения Николаевна Эверстова, Дьокуускай куораттан ДЮСШ-3 тренера, бииргэ үөрэммит доҕоро Николай Петрович Иванов, Үөдэй нэһилиэгин дьаһалтата.
Сонуннарга Е.А.Эверстова